जिल्ला समन्वय समितिको कार्यालय
डोटी, नेपाल
२०८१ कार्तिक ६ गते मंगलबार
डोटी, नेपाल
जिल्ला समन्वय समितिमा
निर्वाचित जनप्रतिनिधिहरुको नेतृत्वदायी भूमिका रहेको हुन्छ ।नेपालको संविधान २०७२
को धारा २२० मा भएको व्यवस्था बमोजिम जिल्ला भित्रका गाउँपालिका र नगरपालिकाहरुबीच
समन्वय गर्न जिल्ला समन्वय समितिको गठन भएको हो ।जिल्ला समन्वय समितिमा एक जना
प्रमुख,एक जना उपप्रमुख,कम्तिमा तिन जना महिला र कम्तिमा एक जना दलित वा
अल्पसंख्यक गरि बढीमा नौ जना सदस्य रहेको जिल्ला समन्वय समितिको निर्वाचन हुने
व्यवस्था छ ।डोटी जिल्ला समन्वय प्रमुख,उपप्रमुख र सात जना सदस्य गरि जम्मा नौ जना
पदाधिकारी रहनुभएको छ । समितिको बैठक प्रत्येक महिनाको कम्तिमा दुई पटक र आवश्यकता
अनुसार अन्य बैठक समेत बस्ने गरेको छ । सङ्घीय सरकार,प्रदेश सरकारद्धार प्राप्त
निर्देशन तथा जिल्ला समन्वय समितिबाट भएका निर्णयहरुको कार्यान्वयन तथा दैनिक
प्रशासन सञ्चालनका लागि जिल्ला समन्वय समितिको कार्यालय रहेको छ । कार्यालय
प्रमुखको रुपमा जिल्ला समन्वय अधिकारी(निजामती) हुने व्यवस्था रहेको छ । नेपालको
संविधानका साथै स्थानीय सरकार सञ्चालन ऐन २०७४ को दफा ९२ ले जिल्ला समन्वय समितिले
गर्ने कार्य निर्दिष्ट गरेको छ ।